நம்மை சுமந்து கொண்டுயிருக்கும் பூமி மூச்சுவிடுவதை பார்த்ததுண்டா? வைரல் வீடியோ
பூமி மூச்சுவிடும் என்றால் பலரால் நம்பமுடியாது. ஆனால் குறித்த காட்சியினை நீங்கள் அவதானித்தால் உண்மை தானோ? என்ற கேள்வி நிச்சயம் உங்களுக்கு எழும்.
உலகில் இருக்கும் உயிரினங்களான மனிதர்கள், விலங்குகள் உள்ளிட்டவை மூச்சுவிடுவதை நாம் அவதானித்திருப்போம். ஆனால் பூமியும் மூச்சு விடும் என்ற காட்சி அனைவரையும் குழப்பத்தில் ஆழ்த்தியுள்ளது.
குறித்த வீடியோவில், இயற்கை செழிப்பு நிறைந்த வனப்பகுதியில் மரங்கள் சூழ்ந்து உள்ளன. அந்த இடத்தில் குறிப்பிட்ட நிலப்பரப்பு மட்டும் மேல்நோக்கி எழுந்து மீண்டும் இயல்பு நிலைக்குத் திரும்புகின்றன.
பார்ப்பவர்களை அனைவரையும் ஆச்சரியத்துக்குள்ளாக்குகிறது. முதன்முறையாக பார்க்கும் அனைவரும் இந்த வீடியோவை பார்த்தவுடன் பூமி மூச்சுவிடுமா? என நிச்சயமாக யோசிப்பார்கள்.
ஆனால் இந்த காட்சியின் உண்மைத் தன்மை என்னவெனில், அப்பகுதியில் வேகமாக வீசியக் காற்றில் மரங்கள் வேகமாக அசைந்தாடுகின்றன. அப்போது, மரத்தின் வேர்கள் மேலெழும்புகிறது. இதைப் பார்த்து தான் பூமி மூச்சுவிடுகிறது என நெட்டிசன்கள் வீடியோவை பரப்பியுள்ளனர்.
Earth is Breathing pic.twitter.com/zUQO0xJvYP
— Amazing Nature (@AmazingNature00) March 19, 2022